Grandinan na Hulanda ta masha bon pará mes kompará ku personanan di e mes edat den seno di Union Oropeo. Kompará ku ansianonan n'e demas paisnan oropeo nan no tin nodi di teme pobresa i eksklushon sosial. Esaki di akuèrdo ku sifranan di 2011 di Eurostat, e ofisina di estadístika oropeo

Polushon ku pida pida plèstik mikroskópiko riba suela di Noordzee, o sea di Laman Nort, ta muchu mas serio di loke ekspertonan a ferwagt. Fondo di e laman ku ta kore a lo largu di kosta di Hulanda ta yen yen di e asina yamá microplastics, ku tamaño di algun shen nanometer te desenas di mikrometer.

Si ta dependé di partido CDU na Alemania, mayornan di mucha yòn ku ta bebe kai den koma lo tin di paga parti dje resibu ku drenta despues di tratamentu di nan yunan, pa yuda kòrda nan riba nan deber di edukashon.

Djárason 6 di febrüari ta Zero Tolerance Day. Riba e dia aki ta para ketu pa dediká atenshon na e problema di sirkunsishon di hende muhé, no na Hulanda so sino rònt mundu

Mayoria mucha yòn ta haña ku nan skol no ta hasi lo sufisiente pa stòp pèstermentu. Skolnan sekundario no ta hasi masha esfuerso pa yuda na momento ku alumnonan bai bisa ku ta tenta nan. Un enkuesta ku programa di televishon hulandes EenVandaag a tene bou di 800 hóben, ku a bira víktima di pèstermentu, ta demostrá esei.

Djaluna 28 di yanüari Reina Beatrix, ku lo kumpli 75 aña di edat dia 31, a anunsiá ku lo e apdiká na fabor di su yu hòmber prens Willem-Alexander, bisando ku a bira tempu pa entregá korona na e siguiente generashon despues di mas ku tres dékada riba trono.

Pagina's